નાદબ્રહ્મ કે નાદભ્રમ?
શબ્દોથી છલકતી આ દુનિયામાં
રમે શબ્દ હર જીવનમાં
શબ્દોથી સર્જાતા હર જીવનમાં
રમે શબ્દ પળ પળ માં
ઉગ્ર શબ્દો, માદક શબ્દો
પ્રેમ સભર ને આગઝરતા શબ્દો
આહલાદક શબ્દો શીતલ કરે હૈયાને
ને નગ્ન શબ્દો ભોકાય હૈયામાં
પોકળ શબ્દો અથડાય ઘટ ઘટ માં
ને શાંત, અબોલ શબ્દો ઉતારે ઊંડાણમાં
મૌન શબ્દો શોષાય અંતરમાં
ને ઘોઘાટિયા શબ્દો ખોવાય ભીડમાં
મૌખિક શબ્દો ઝીલાય કર્ણપટમાં
ને દ્રષ્ટિક શબ્દો પ્રસરાય ભીતરમાં
ખુશી ભરેલા શબ્દો નિખરે અંગાંગમાં
નાદ ભરેલી આ દુનિયામાં
નાદબ્રહ્મ ભૂલાય જીવનમાં
મિનલ પંડ્યા
No comments:
Post a Comment