આ અમેરિકા?
પ્રથમ નજરે રંગીલું, રસીલું, ચળકતું,
નવોઢાની જેમ આકર્ષતું અલબેલું આ અમેરિકા
ધીરે ધીરે સ્વ-રૂપ પ્રકટતું
સારું નહિ - નઠારું નહિ, પણ
વરવી વાસ્તવિકતામાં વીંટળાયેલું
સતત મહેનત, સતત પરિશ્રમથી સભર
સતત આભારના ભારમાં અટવાયેલું
ભાંગેલા પરિવારોના ભંગાર નીચે દબાયેલું
જ્યાં માણસ ના રહી શકે માણસ સાથે
પણ અનહદ પ્રેમ કરે મુક પ્રાણી સાથે
ભોગથી તરબતર
તમસ મય, રજસ મય,
અહિયાં ક્યાં મળે સત્વની કમ્મર?
અળસિયા સમ જીવન મહી, અહિયાં
લીધું શું, ભોગ્યું શું, અને છેવટે છોડ્યું શું?
મિનલ પંડ્યા
No comments:
Post a Comment