સંસ્કાર

સંસ્કાર

શું છે આ ચીજ "સંસ્કાર"?
કયા સંસ્કાર, કેવા સંસ્કાર, કોના સંસ્કાર?
વ્યક્તિએ વ્યક્તિએ વ્યાખ્યા જુદી
સંજોગે સંજોગે માત્રા જુદી
કોનું માપ અને કોની સમજ?

કોણ સમજે એની પરિભાષા?
રેતીમાં અક્ષરો જેવી નિત નવીન
નિત  ભુસાતી આ સંસ્કારની વાણી
પેઢી દર પેઢી બદલાતી કહાણી

દેશ પરદેશ માં વંચાતી  જુદી
પરિવાર પરિવારમાં સમજાતી જુદી
ગ્રામ, જ્ઞાતિ ને સમાજની રેખામાં
હર પળ છૂટતી હર પળ બંધાતી

આજે જયારે સૌ બન્યા વિશ્વગ્રામ ના રહેવાસી
કોણ લખશે ને કોણ સમજશે
આ સંસ્કારની પરિભાષા?

મિનલ