કોરોના ની કરામત

કોરોના ની કરામત

ત્રસ્ત ત્રસ્ત ધરતિ  હતી
વ્યસ્ત વ્યસ્ત હર માનવી
પશુ પક્ષી ભયભીત
પ્રાણી માત્ર સંકુચિત

આકાશ પ્રદુષિત
વાત પ્રદુષિત
નદી નાળા ને સાગર
સર્વે પ્રદુષિત

ઊંદર દોડમાં ગ્રસ્ત માનવી 

ત્રાહિ મામ ત્રાહિ મામ

પોકાર ઉઠ્યો સર્વત્ર

પ્રાણી માત્રનો 

ત્યાં આવ્યો કોરોના

નામે એક રાક્ષસ  

નરી આંખે જે  દેખાય ના 

નાકે થી સૂંઘાય ના 

હાથેથી પકડાય ના 

કેમ કરીને મરાય આ

એ મોટી મૂજવણ  

સૌ બન્યા શાંત 

ઘર મહી કેદ 

ધરતી શાંત 

આકાશ શાંત 

પશુ પક્ષી આનંદ વિભોર 

ભર રસ્તે મચવે શોર 

આકાશ સ્વછ,હવા સ્વછ

નદી નાળા રમ્ય 

શું આ રાક્ષસને હશે 

ઈશ્વરે મોકલ્યો?

શીખવા માનવીને 

એક પાઠ?

શું માનવી શિખશે કશું?

કે રહેશે પુંછડી 

વાંકી તે વાંકી?

 મીનળ 

કેવા થયા અમે અને કેવું થયું અમેરીકા

કેવા થયા અમે અને કેવું થયું અમેરીકા 

વર્ષો વિતતા ગયા 

ખબર ના પડી 

અમે બદલાતા ગયા 

ખબર ના પડી

ભૂલ્યા અમે વાયદા

નહીં બદલાવવાના 

દ્રઢ માન્યતાઓ 

લાવ્યા  હતા જે સાથે

ઢીલી પડતી ગઈ ક્યારે 

ખબર ના પડી 

સ્વદેશ માં પરદેશી બન્યા ક્યારે

ખબર ના પડી 

પરદેશ પોતીકું થયું ક્યારે

ખબર ના પડી 

અમેરિકા પણ બદલાતું ગયું

ખબર ના પડી

લાગતું હતું જે ચમકીલું 

ચમકાટ એ ઘટતો ગયો ક્યારે 

ખબર ના પડી

બિનજરૂરી લાગતી હતી  

જે સુવિધાઑ  

ટેવાયા એ સૌથી ક્યારે 

ખબર ના પડી

બાળકો અમેરિકન બની ગયા ક્યારે

ખબર ના પડી 

થતો  હશે ક્યાંક અન્યાય અમને 

કે જાતિભેદ , રંગભેદ,પણ

અણજાણ અમે એવા કે

ખબર ના પડી 

હવે બન્યા બુદ્ધિમાન

અને થોડા ધનવાન 

પણ જીવન ક્યાં વહી ગયું

ખબર ના પડી

મીનળ 

When you were born

 Dear Child

The day you were born,

I was born too -

you, as a new baby

and I, as a new mother,

From the moment  you entered my world

The whole world changed forever for me.

As you opened your tiny eyes

and looked around

I too, looked around as if,

For the first time, through your eyes -

And saw things I had never seen before

As you learned to see

I learned to observe

As you learned to talk

I learned to listen

As you learned to walk

I learned to let go

For both of us, the journey has just begun

May we both keep learning together

The true meaning of love, innocence and curiosity

But best of all. the true meaning of life. 

Meenal

અહંકાર

 અહંકાર

અહંકાર અથડાય છે જ્યાં જ્યાં
દાવાનળ સર્જાય છે ત્યાં ત્યાં

અહંકાર પોષાય છે જ્યાં જ્યાં
અસુરો ઉભરાય છે ત્યાં ત્યાં

અહંકાર હાંકે છે જગને
અને નેતાઓને પોષે છે

અહંકાર બાંધે છે કિલ્લા
અને તકતી મંદિરે ટાંકે  છે

અત્ર, તત્ર, માનવી સર્વત્ર

અહંકારમાં ગળાડૂબ સર્વે

સૌ એની ભરડમાં, 

જિંદગી આખી કાપે

અંતે સળગે રાખ બની  

સાચવવા જે મથયાં 

પૂરું આયખું આખુ 

ત્યાં રહી ગઈ તકતી નામ ની 

ખૂણામાં, લટકતી

મિનલ  

 

પ્રેમ શું છે

 

પ્રેમ શું છે? કોણ સમજે છે?

કોણ જાણે છે?

શું છે એ 

સ્નેહ ભર્યું સ્મિત કે 

વ્હાલભરી નજર?

ઉષ્મા ભર્યો હાથ વાંસે  

કે વાત્સલ્યભર્યો  માથે?

પગલાં રેતીમાં સાથ સાથ

કે હાથ માં તારો હાથ?

ખભો માથું ટેકવા માટે

કે સંવેદના નો સહારો ? 

સાથે રહેવાના કોલ 

કે બે મીઠા બોલ? 

સોગાદ ફૂલોની 

કે અણમોલ પળો ની?

જણે જણે વ્યાખ્યા જુદી

ક્ષણે ક્ષણે માત્રા જુદી

પણ તરસે સૌ 

આ પ્રેમની તૃષ્ણામાં 

મીનળ

 

 

કેવું હતું અમેરીકા, અને કેવા હતા અમે

કેવા હતા અમે, અને  કેવું હતું અમેરીકા 

પરિપક્વ, તોયે અડધા કાચા 

ભોળા ગણો કે બુધ્ધુ, અધૂરા જ્ઞાન માં મગ્ન 

એવા કાચા પાકા આવ્યા અમે આ કાંઠે 

યુવાની માં તર, આશા સભર

અમેરિકાનો આવકાર લાગ્યો હૂંફાળો

ઉત્સાહ ભરપૂર પરદેશમાં પરાક્રમનો

થોડું સમજ્યા, થોડું શીખ્યા,

થોડું બદલાયા, થોડું ગોઠવાયા

જાણે અજાણે બન્યા પ્રવકતા ભારતભરના 

વિષય હોય ધર્મ નો કે દેશનો 

રાજકારણ નો કે વસ્તી વધારો 

ભલે જાણીએ આછું અધૂરું 

પણ અજ્ઞાન અમારું વહેંચીએ 

ઉજ્જડ ગામ માં એરંડો પ્રધાન

અમેરિકા પણ કેવું હતું 

લાગે મીઠું મધ જેવુ 

મીઠાશ બોલવામાં, મીઠાશ ખાવામાં 

અત્ર તત્ર તક મળે સર્વત્ર

નહોતા માહિતગાર હજી કાચની છત થી

કે નહોતા માહિતગાર રંગભેદ કે ધર્મભેદથી

અમેરીકાના  ઈતિહાસથી કે ભૂગોળથી 

બસ ખુશખુશાલ

લીલા કાર્ડ અને લીલા ડોલર ચારેબાજુ લીલાછમ 

એવા હતા અમે અને એવું હતું અમેરીકા

મીનળ પંડ્યા

આવ રસી તું આવ

 આવ રસી તું આવ

તારી તો રાહ જોવાય છે

તરસા નયને 

અદ્ધર જીવે 

કેટલી કરી પ્રાર્થનાઓ 

કેટલા પૂજ્ય દેવ

દટાઢ, તડકો, બરફવર્ષા,

વેઠી ને 

દુનિયાભરના વૈજ્ઞાનિક સૌ

લાગ્યા તારી શોધમાં

છેવટે તું આવી છે

દેન ઈશ્વરની 

અને આભાર 

વૈજ્ઞાનિક સૌ નો 

હવે લેવાય

રાહતનો શ્વાસ 

આવી રસી, આવ્યું નવું વર્ષ 

પ્રાર્થીએ  મંગલમ શુભમ

સર્વનું

મીનળ