આજકાલ

આજકાલ


ભાવ ભૂલ્યા, ભાષા ભૂલ્યા,
ભૂલ્યા જીવન મુલ્યો

નફો નુકશાન ગણતા ગણતા
ભૂલ્યા સ્નેહ સબંધો

ભણતરમાં પણ ગણતર ઉતર્યું
કેટલું મળ્યું  ને કેટલું ખર્ચ્યું

કેળવણીમાં મળી ભેળવણી
લાગે લાઈનો tution  તણી

ફેસબુકમાં મિત્રો ભરપુર
પણ ઘરમાં શુન્યાકાર

ઘોંઘાટ  ભર્યું જીવન બાહર
ભર્યો અંતરમાં અંધકાર

આજકાલ આપણે ચાલો
કરીએ અંદર ઉજાસ

દીવો પ્રગટાવી  પ્રેમનો
બાંધી સ્નેહની ગાંઠ

પ્રસરાવી સુગંધ નિજ તણી
ઉજવીએ જીવન પર્વ 



મિનલ

પાંડવ-કૌરવ કેસ

હસ્તિનાપુર ના ન્યાયમંદિર માં
ચાલ્યો પાંડવ-કૌરવ કેસ
ભારતવર્ષ ની ગલી ગલી થી
ઉમટ્યા સૌ સજ્જન
ચુકાદો કરવાનો આવ્યો
ભીષ્મ પિતામહની પાસ

ન્યાય માંગે દુર્યોધન
ભરી સભા વચ
સત્ય વિવેકની પરિભાષામાં
પાંડવો સૌ સુસજ્જ
ક્રોધ-રોશની અગ્નિ પ્રજ્વાળી
કૌરવો પણ સજધજ

પૂછે દુર્યોધન ઘાંટો પાડીને
કહો પિતામહ ક્યાં છે ન્યાય
હું છું સાચો હકદાર
મારા પિતાનો નખશીખ જાયો
હસ્તિનાપુરનો રાજા થવાનો
 હક છે મારો પાક્કો સાચો

પાંડવો નો જન્મ રહસ્યમય
કુંતી ના ત્રણ માદ્રી ના બે
પિતા જેના જુદા જુદા
ધર્મ પુત્ર, વાયુ પુત્ર, ઇન્દ્ર પુત્ર
પણ નાં છે તેઓ પાંડુ પુત્ર
પછી ક્યાંથી થાય છે હક એમનો

કેમ પિતામહ છો તમે નિરુત્તર
શું છે તમારી આ રાજનીતિ
સમજાવો મને ધર્મ તમારો
બતાવો અધર્મ ક્યાં છે

અમે બોલીએ કદીક ગુસ્સાભર્યું
જયારે માનો તમે અમને નીચા
વર્તણુકમાં ભળે કયાંક અસભ્યતા
જયારે સરખાવો પાંડવો સંગ

અમે છીએ ગૌરવવંતા
જુઓ જરા જો અમ દ્રષ્ટિથી
પૂછો કર્ણને ઉદારતા મમ
જુઓ દ્રૌપદીની ધ્રુષ્ટતા
જયારે કહે અમને અંધ પુત્ર

કુરુક્ષેત્ર કદાચ હશે ધર્મક્ષેત્ર
હશે કદાચ અમ ભૂલો અનેક
પણ કરો ન્યાય કે નથી
ફક્ત અમે એકલા ગુનેગાર

થયો છે અન્યાય અમને  ઘણો
વડીલો તમે સૌ જ્યાં બન્યા
એકતરફી અને ના સમજ્યા
અમને કદી બચપણથી આજ થકી

માટે ઉભા સૌ ભાઈ ભાઈઓ
આજે કુરુક્ષેત્રમાં સામસામે
વિચારો, શું છે તમારો દોષ
અને હે પિતામહ
આપો  ન્યાય આજે ખરેખરો

મિનલ પંડ્યા

રાષ્ટ્રભક્ત અમેરિકામાં

રાષ્ટ્રભક્ત અમેરિકામાં

પુકારું હું જોરશોરથી
ભારત તો છે પુણ્યભૂમિ
સંસ્કાર છે અવ ગૌરવવંતા,
માનવી જ્યાં સૌ પ્રેમે હળતા

પારિવારિક પરંપરાથી
અમે સૌ આદર્શ બન્યા
આધ્યાત્મિક ઉન્નતીમાં
અમે તો સૌથી ચઢ્યા
લોહી અમારું આર્યાવતનું
ને દિલ અમારું દરીયાવર

યોગ અમે શીખવ્યા જગને
ગણિત, વિજ્ઞાન, ભાષા સૌ
શોધ્યા અમ ઋષિઓએ સર્વ
ધ્યાન ધારણા ને આયુર્વેદ
જગત ને અમારી દેન

પણ મમ સંતાનના ભવિષ્ય
માટે મારે રહેવું દરિયાપાર
જ્યાં મળે મોંઘા મુલા ડોલર
ને સફળ થવાની તક છે અનેક

ભલે લુપ્ત થાય એ ભવ્યતા
ને ભલે મારી ભાવી પેઢી
રંગાય વિદેશી રંગે, આજે પણ
હું જોરશોરથી પુકારું ઘર વચ્ચે
ભારત તો છે પુણ્ય ભૂમિ
અમે સૌ સંસ્કારે ઉજળા

મિનલ પંડ્યા

हम और तुम

हम और तुम

एक हम है जो
हर संबन्धको परिवारसे जुटते है
हर मित्रको भाई में बदलते है
हर बंधन को पवित्र जानते है
हर चीज़को भावनासे ऊपर उठाते है

ओर एक तुम हो जो
हर सम्बन्धका उपयोग जानते है
हर मित्रका एहसान मानते है
हर संबंधकी पाबंदी नापते है
हर चीजकी कीमत लगाते  है

आपका और हमारा कैसा मिलन?

एक हैम है जो
बात  बात पे उर्मि बहाते है
त्याग में बड्डपन  मानते है
कर्तव्यकी परिभाषा जानते है
व्यव्हार पे धर्मकी लगाम लगाते है

और एक आप है
जो बात बात पे पैसे बहाते है
आवाज़ उठाने में शक्ति मानते है
हक़ कि परिभाषा सिखाते है
अर्थ और काम कि गंगा बहाते है

आपका और हमारा कैसा मिलन?



मीनल पंड्या

ત્રિશંકુ દેશબંધુ વિદેશ મુખ

ખભે વિડિયો, આંખે ચશ્માં

કેડે વિંટાળી સ્વેટર બાંય 

'હેલો, હાય'ની માળા જપતો

રામપુરની ગલીકૂંચીમાં

નિસર્યો અમ ત્રિશંકુ પરાયો

હજી કાલની વાત જ છે આ,

ભરી હતી બે બેગો ઠસાઠસ

અથાણાં, ખાખરા, મરી-મસાલા

હવાબાણ હરડે ને ત્રિફલા

શર્ટ-પેન્ટ-બેલ્ટ ને કાળાં ચશ્માં

નિસર્યા 'તા યયાતિ પરાયા

પગે લાગીને બા દાદાને

ચાંલ્લો મોટો કરી કપાળે

થોડું ફિક્કું સ્મિત રાખીને

ચાલ્યો ત્રિશંકુ અમરીકા જવાને

લાગતાં હતાં જે અતડાં કપડાં

શરીર પર જાણે અહીં-તહીં લટક્યાં 

લાગે આજે ફિટોફીટ ને અક્કડ

પણ ત્રિશંકુ લાગે ઉખડ્યાં - ઉખડ્યાં

શેરીઓ છે હજી એની એ,

ગઈકાલે જ્યાં રમતો ફરતો 

બંધ બેસતી પાઘડી સમ

લાગે આજે ભારે મોટો

જાણે ગોળ ખોખામાં ઠોંસ્યો

ચોરસ ડબ્બો ભર્યો ઠસોઠસ

આજે ત્રિશંકુ ચાલે વટ બંધ
જમીનથી જાણે ત્રણ વેંત ઉંચો

નીચા લાગે સૌ ગામવાસી જણ

પોતે થયો છે 'બિન રહેવાસી'

ને આ તો રહ્યા સૌ દેશી, દેશી!

બહાર છો લાગે વટનો કટકો

પણ અંતર એનું જાણે એક સત 

બિન રહેવાસી બબ્બે દેશનો

ત્રિશંકુ આજે એ જ ગલીમાં

જ્યાં હું જન્મ્યો, જ્યાં રમ્યો હું

વિદેશમાં હું હજી ત્રિશંકુ 

હજાર પ્રયત્ને પારકો હમેશ હું!

મિનલ પંડ્યા

ગાઢા સંબંધો - આછા વ્યવહારો

ગાઢા સંબંધો જ્યાં જ્યાં
ત્યાં ત્યાં આછા વ્યવહારો

જ્યાં મળાય દિલથી, પ્રેમથી
જ્યાં આશા નહિ ઉપેક્ષા નહિ
છે બસ ઉમળકો અંદરનો

દેખાવ નહિ દબદબો નહિ
ના આડંબરની આડ
ખુલ્લું દિલ ને ખુલ્લી વાત
હાસ્ય ગુંજે અંદર બહાર

ખુશહાલ માનું હું મુજને
મળે જીવન માં જો
બસ એક આવો સંબંધ

ધન્ય મમ  જીવન બને
જો  સઘળા સંબંધો
ગાઢા મળે ને
વ્યવહારો આછા મળે

મિનલ પંડ્યા

સંબંધોની ગલીગુંચી

સંબંધોની ગલીગુંચી માં
રોજ હું  અટવાવું
સાચું ખોટું, સારું ખરાબના
ચોરાહે હું ભટકાવું

લાગણીઓની આળ પંપાળ
ને અહંકારની  માવજત પળ પળ
તોય જીત તો જાણે દરિયાની રેત
રહે  હર હમેશ સરકતી મુઠી મત

હોય જો  કોઈ સંબંધોના  દેવ
જેને રીઝવી કરાય મ્હાત
પૂજા કરૂ તેની રોજ  પરભાત
કરું આરતી, ને રાખું  વ્રત

પણ મનમાં રહે છે એક વાત
અનુભવ થી સમજાયું છે સત
હશે રીઝવવા સર્વ દેવ સહેલ
પણ રીઝવવું એક માનવી મુશ્કેલ