અમેરિકા જ્યારે હતું નવું નવું

 અમેરિકા જ્યારે હતું નવું નવું

આહાહા શું છે
આ સ્વપનું કે સાચું
આ ખુલ્લી સડકો
નિયોન ની ઝાકઝમાળ રોશની
બસ હું ને તું મોટી ગાડીમાં
લાંબી સફરે

સ્વર્ગ લાગે હાથવગું
રસ્તે રસ્તે ઝળહળ ઝળહળ
નવા મિત્રો, નવા કપડાં
નવું ઘર, નવી જિંદગી
પણ કાં યાદો સતાવે જૂની

વિચાર આવે નિશદિન 

ક્યારે થશે આપણું
અમદાવાદ આવું
કેવી રીતે વહેંચું
આ ભારોભાર ખુશી

ભલે હોય સ્વર્ગ સમ 

આ નવો દેશ, નવો વેશ 

પણ 

હૃદયમાં ભોંકાય શૂળ ની જેમ 

આત્મજનો નો સંગ